7/9/25
6/9/25
23/6/25
DESPEDIMOS A CLASE DE 6º
PROMOCIÓN CURSO 2024-2025
Que rápido
medrastes... xa toca iniciar nova etapa no instituto... e aínda me lembro
de cando erades ben pequerrechos.
Neste momento
estamos moi tristes pola despedida, pero estou ben segura de que esta nova
etapa vai ser marabillosa para todos vós. Non nos esquezades porque nós sempre
vos lembraremos.
Martina, Victoria, Daniella, Vera, Inés (profe), Roi, Eder, David
Claudia, Enara, Noa, Emma Rodríguez, Xacobe, Maia
Dani, Noé, Julia, Sofía, Emma Priento, Xabi, Mateo, Diego
31/5/25
ÚLTIMO DÍA CON KAYLA
Con moita pena despedimos a Kayla tras pasar todo este curso con nós.
Neste último día aproveitamos a sacar fotos con ela e a facerlle entrega de todo o noso cariño a través de cartas, debuxos e dedicatorias.
Ata sempre, Kayka, foi fantástico compartir este ano contigo!
15/5/25
BEST SONGWRITER
Grandes compositores, a vista dos resultados, son os nenos e nenas de sexto. O alumnado traballou durante uns días na composición de cancións. A temática era libre e o único requisito era a utilización obrigatoria do tempo gramatical "Simple Past".
En equipos comezaron tomando decisións en canto á temática, rima, vocabulario... Tras esta primeira fase de composición da letra pasaron a buscar unha melodía apropiada e adaptada aos gustos de cada equipo axudados por diferentes plataformas de IA.
Posteriormente tocaría darlle publicidade a obra de cada equipo e para iso utilizamos un muro de Padlet. Quixemos profundizar aínda máis no traballo e cada equipo creou unha ficha de traballo centrada na súa canción para dala a coñecer, podía ser en formato físico ou dixital.
Por último, e tras escoitar todas as composicións, o alumnado pasou a valorar e puntuar os traballos dos compañeiros na procura da canción máis valorada. A votación estivo moi parella, xa que o nivel de todas as creacións era moi alto. Finalmente estas foron as cancións gañadoras:
1st: "Last School Trip" by Julia, Sofía and Victoria
2nd: "Spermatozoon" by Daniela, Martina and Noa
3rd: "The Weekend" by Emma and Xabi
Podedes escoitar todas as composicións no seguinte enlace. Que vos parece o resultado?
Creando Monstros 1º curso
En 1º curso practicamos as partes do corpo deseñando monstros. Nesta ocasión había que debuxar un monstro seguindo unhas pistas. Posteriormente pedímoslle a IA que nos creara un monstro seguindo estas mesmas pistas. Aquí tendes ambos resultados, todos fantásticos.
AI Monster
Student's monsters
Creando monstros 2º curso
Na clase de segundo, foi o propio alumnado quen foi ideando como sería ese monstro imaxinario. En equipos tomaron decisións e escribiron a información necesaria para que a IA creara unha imaxe o máis cercana ao que eles e elas querían.
O resultado sorprendeu a mais dun.
19/4/25
AULA: Animal Padlet
O alumnado de 5º realizou un proxecto que consistía en elaborar unha publicación nun muro colectivo coa temática dos animais.
En primeiro lugar, cada grupo tivo que tomar decisións sobre a súa futura publicación: animal a elixir, datos a publicar, tipo de imaxe... Posteriormente, tras elaborar por escrito un esquema cada grupo pasou a publicar o seu traballo nun muro colectivo, Padlet.
A actividade continuaba cunha exposición oral da nosa publicación. A axuda da auxiliar de conversa Kayla neste paso foi valiosísima xa que fixo posible que cada grupo practicase previamente esta exposición con ela.
Por último, cada grupo tivo que avaliar mediante unha rúbrica as publicacións dos compañeiros.
13/4/25
AULA: Animals Board game
Nesta ocasión os nenos e nenas de terceiro curso repasan a unidade sobre "Animals" mediante este xogo de mesa.
Practicamos o xogo na clase e posteriormente leváronno para casa para xogar coa familia.
23/3/25
Who am I?
Con motivo da chegada do Entroido pensamos que unha boa maneira de practicar o tema actual sería mediante esta actividade de ocultarnos detrás dunha máscara de animal e así de paso practicar as descricións.
Suscribirse a:
Entradas (Atom)